Öryggisreglur í módelflugi á Hamranesi

1. Þegar komið er á flugstað skal gæta þess að enginn sé á sömu senditíðni og þú sjálfur. Smella verður “gildu” flugskýrteini á “réttan” tíðnipinna á tíðnitöflu áður en kveikt er á sendi og taka það niður að loknu hverju flugi til að aðrir á sömu tíðni geti flogið.

2. Þegar gengið er út á flugbraut með módel skal gæta þess að þeir sem eru að fljúga eiga alltaf réttinn. Muna þarf að stöðva flugmódel á varúðarlínu.

3. Ef flugmaður er að fljúga á ákveðinni braut má ekki fara á aðra braut og fljúga þvert á flugtaks- og lendingarstefnu hins. (Sé einn flugmaður að fljúga t.d. á norðurbraut, skal næsti maður sem fer að fljúga nota sömu braut í sömu átt. 

4. Þegar  flugtaki er lokið skal víkja af braut eða þar til gerðum flugtaks/ lendingar hellum og standa fyrir aftan hellur meðan flogið er.

5. Þegar drepst á hreyfli flugmódels á það réttinn til lendingar. Meðan á aðflugi stendur skulu önnur flugmódel halda sig frá aðflugsstefnu. Sá sem drepur á mótor verður að kalla það hátt og skýrt til viðvörunar.

6. Þegar verið er að taka í loftið eða lenda er bannað fljúga lágflug yfir brautina.

7. Þegar flugmaður ákveður lendingu skal hann kalla “lending” hátt og skýrt. Við lendingu skal flugmaður færa sig fram á stétt við brautarenda. Að lokinni lendingu skal flugmódel fjarlægt af flugbrautinni. Kalla skal “á braut og af braut” þegar náð er í flugmódel.

8. Áhorfendum er stranglega bannað að ganga  að brautarenda þar sem menn eru að stjórna flugmódelum.

9. Það er stranglega bannað að gangsetja flugmódel á þar til gerðum samsetningar og viðgerðarborðum.  1  Það er mjög hættulegt.   2  Það er verulega sóðalegt fyrir aðra að koma að borðunum á eftir.

10. Það er stranglega bannað að fljúga yfir pittinn, bílastæði og húsið okkar.

11. Það er stranglega bannað að taka í loftið eða lenda á aðkeyrslubraut.  

12. Flugmenn leytist til að botngefa ekki eða stilla mótora í pittinu. Drepa skal á mótor áður en komið er frá flugvelli inn í pittinn.

13. Bannað er að vera með húsdýr á öllu svæðinu á Hamranesi.

14. Brot á þessum reglum geta varðað heimildarmissi til flugs, en áður skal stjórn senda viðkomandi áminningarbréf.

Samþykkt á félagsfundi 4. október 2001

Stjórn